Aİ və onun qurumları Azərbaycanla əlaqələrin inkişafında maraqlıdır
Ölkə
4 Oktyabr 2017 15:37

Aİ və onun qurumları Azərbaycanla əlaqələrin inkişafında maraqlıdır


Bakı. Elçin Mehdiyev - Trend:

Bu gün Milli Məclisin sədri Oqtay Əsədov Avropa İttifaqının (Aİ) Brüsseldə akkreditə olunmuş səfirlərinin daxil olduğu Aİ Şurasının Siyasi və Təhlükəsizlik Komitəsinin nümayəndə heyəti ilə görüşüb.

Trend-in məlumatına görə, görüşdə O.Əsədov bildirib ki, Azərbaycan Aİ ilə əlaqələrin inkişafına böyük önəm verir.

Milli Məclisin sədri vurğulayıb ki, Azərbaycan ilə Aİ arasındakı əlaqələr 2009-cu ildən Şərq Tərəfdaşlığı Proqramı əsasında dinamik inkişaf edib.

O.Əsədov bildirib ki, əlaqələrin bundan sonrakı inkişafında Aİ ilə imzalanacaq yeni sazişin mühüm rolu olacaq. Spiker qeyd edib ki, Azərbaycan bu sazişin imzalanması üçün əlindən gələni edir.

Aİ Şurasının Siyasi və Təhlükəsizlik Komitəsinin sədri Valter Stivens Azərbaycanın dini tolerantlığa rəvac verən bir ölkə olduğunu qeyd edib. O qeyd edib ki, Aİ Azərbaycanla münasibətlərə böyük önəm verir. V.Stivens Azərbaycan ilə Aİ arasında əlaqələrin inkişafını yüksək qiymətləndirib. O bildiriv ki, Avropa İttifaqı və onun qurumları Azərbaycanla əlaqələrin inkişafında maraqlıdır:

“Noyabr ayında Brüsseldə Şərq Tərəfdaşlığı Sammiti baş tutacaq. Lakin bundan daha vacib məsələ ondan ibarətdir ki, biz Aİ olaraq Şərq tərəfdaşlarına verdiyimiz önəmi bir daha vurğulamaq istəyirik. Azərbaycanla Aİ arasında yeni sazişin imzalanması ilə bağlı müvafiq danışıqlar davam edir. Ümidvarıq ki, danışıqlar tezliklə və uğurla başa çatacaq”.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 17 oktyabr

Astroloji proqnoz - 17 oktyabr

17 Oktyabr 2017 00:08
SSRİ haqqında 10 GİZLİ FAKT

SSRİ haqqında 10 GİZLİ FAKT

16 Oktyabr 2017 08:04
Astroloji proqnoz - 16 oktyabr

Astroloji proqnoz - 16 oktyabr

16 Oktyabr 2017 00:08
Astroloji proqnoz - 15 oktyabr

Astroloji proqnoz - 15 oktyabr

15 Oktyabr 2017 00:08
loading...