Eyyub Yaqubov bu dəfə özünü aktyor kimi sınadı - FOTOLAR
Digər
18 Oktyabr 2017 14:37

Eyyub Yaqubov bu dəfə özünü aktyor kimi sınadı - FOTOLAR


Əməkdar artist Eyyub Yaqubov Beynəlxalq Mətbuat Mərkəzində jurnalistlərlə görüşüb. Lent.az-ın məlumatına görə, ifaçı bildirib ki, bu dəfə özünü aktyor kimi sınamaq qərarına gəlib. O, musiqiçi Vaqif Əsədovun “Mənə 100 il ömür arzulamayın” adlı klipində rol alıb: “Hər bir mahnını ifa edən zaman aktyorluq etməliyik. Demək olar ki, bu klip mənimdir. Çünki mənə həyatda və sənətdə dəstək olan Vaqif Əsədov olub. Bu klipdə mənim çox və ya az görsənməyim əsas məsələ deyil. Əsas olan odur ki, bu ekran işi ibrətamizdir. Gənc nəsillərə bir nəsihətdir”.

 

 

E.Yaqubov efirlərdə görünməməyindən də danışıb: “Bu barədə çox danışmaq istəmirəm. Amma gələcəkdə müəyyən layihələr edəcəm. Hüseyn Cavidin sözlərinə “Şeyx Sənan” əsərindən bir mövzunu işləyirik. Muğamsayağı bir kompozisiya olacaq. Muğamla cazın sintezi. Yaxşı işlər görmək xeyli vaxt aparır. Mən də yaxşı iş təqdim etmək üçün xeyli vaxtdır ki, susmuşam. Düşünürəm ki, çox danışmağın mənası yoxdur. Hər zaman qısa danışmışam”.

 

 

Qeyd edək ki, mahnının sözləri Vahid Əzizin, musiqisi Elçin İmanovundur. Ekran işinin rejissorluğunu isə Fuad Təhməzli edib. Klip bir neçə saat sonra “Youtube”a yerləşdiriləcək.

 





loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 18 noyabr

Astroloji proqnoz - 18 noyabr

18 Noyabr 2017 00:08