Zaurla Tellinin elçilikdən qovulması, ikinci "Səmra qırğını", Hacıbaba Bağırovun "kserokopiya" aparatı - HƏFTƏBECƏR
Şou-Biznes
13 Noyabr 2017 9:24

Zaurla Tellinin elçilikdən qovulması, ikinci "Səmra qırğını", Hacıbaba Bağırovun "kserokopiya" aparatı - HƏFTƏBECƏR


Milli.Az jurnalist İntiqam Valehoğlunun müəllif layihəsi olan "Həftəbecər"i (147-ci say) təqdim edir.

Əvvəllər telekanallar camaatı evləndirirdilər. İndi işi bir az da köklü-bünövrəli görürlər. Elçi gedirlər, "hə" alırlar. O gün də aparıcı Zaur Kamal dostu və həmyerlisi Telli Borçalıyla kürdəmirli oğlan üçün sevdiyi qıza elçi gediblər. Qız evi də gözünə dönüm, elçi gedənləri qapıdan qovub. Amma bircə şey yadlarından çıxıb. Telliyə deməyiblər ki, bala, sən nə vaxt ərə getdin, oğul-uşaq sahibi oldun ki, indi də camaata ağbirçəklik edirsən? Əslində, Telli yaşda qadınlar xüsusən kənd yerlərində ağbirçək hesab edilirlər. Amma "elçilərimi geri qaytarıram" deyib öyünən, evlənməyi özünə reklam yolu seçən bir adamın ən yaxşı aqibəti elə qapıdan qovulmaqdır. Əgər səhv deyirəmsə, Tellli Borçalı məni ikinci dəfə də məhkəməyə verə bilər. Güman edirəm ki, məhkəmə bu dəfə onun iddiasını rədd etməyəcək. Hə, Telli haqda bir xəbər də deyim, sonra keçək başqa mövzuya. Sən demə, Borçalı qızı onu qaçırtmaq istəyən oğlanın maşınını daşlayıbmış. Özü bu haqda danışıb. Rəhmətliyin nəvəsi, maşını niyə daşlayırsan? Başqa bir yol da seçə bilərdin...

Azərbaycanı "Eurovision-2018" mahnı müsabiqəsində təmsil edəcək ifaçının kimliyi müəyyənləşib. Yəqin ki, heç çoxunuza bu maraqlı da deyil. Amma 5-6 il əvvəl "Eurovision"un milli seçim turlarına qatılan iştirakçılar da az qala ulduz olurdular. Bu il ölkəmizi Aysel Məmmədova adlı gənc sənətçi təmsil edəcək. Fotolarından gəldiyim qənaət budur ki, bizi ikinci "Səmra qırğını" gözləyə bilər. Yəni, hər şeyə hazırlıqlı olun.

Mərhum sənətkar Hacıbaba Bağırovun oğlunun fotosu yayılıb. Yarızarafat deyim ki, rəhmətlik elə bil "kserokopiya" aparatı işlədirmiş. Atayla oğul oxşayar, amma bu qədər yox da. Bu, oxşarlıq deyil, eynilikdir. Fotosuna baxsanız, mənimlə razılaşacaqsınız.

Hacıbaba Bağırovun rus oğlunun FOTOsu yayıldı - İLK DƏFƏ

Türklərlə bizimkilərin ortaq iş birliyindən yaranan "Yanlış anlama" filmi təqdim olunub. "Arka sokaklar" serialından "Mesut komiser" kimi tanıdığımız aktyor Şevket Çoruh da bu filmdə rol alıb. Yazıq adam bircə dəfə bizim Pərvin Abıyeva tərəfə baxıb. Bütün saytlar yazıblar ki, məşhur türk aktyor gözünü Pərvindən çəkmədi. Hələ bir az da dərinə getsələr yazacaqlar ki, Şevket Çoruh gözünü Pərvinə bağışladı. 

Milli.Az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 15 yanvar

Astroloji proqnoz - 15 yanvar

15 Yanvar 2018 00:08
Astroloji proqnoz - 16 yanvar

Astroloji proqnoz - 16 yanvar

16 Yanvar 2018 00:08
Astroloji proqnoz - 15 yanvar

Astroloji proqnoz - 15 yanvar

15 Yanvar 2018 00:08
Astroloji proqnoz - 13 yanvar

Astroloji proqnoz - 13 yanvar

13 Yanvar 2018 00:08
Astroloji proqnoz - 14 yanvar

Astroloji proqnoz - 14 yanvar

14 Yanvar 2018 00:08
Astroloji proqnoz - 16 yanvar

Astroloji proqnoz - 16 yanvar

16 Yanvar 2018 00:08
Astroloji proqnoz - 20 dekabr

Astroloji proqnoz - 20 dekabr

20 Dekabr 2017 00:13
Astroloji proqnoz - 22 dekabr

Astroloji proqnoz - 22 dekabr

22 Dekabr 2017 00:08
Astroloji proqnoz - 21 dekabr

Astroloji proqnoz - 21 dekabr

21 Dekabr 2017 00:08
Astroloji proqnoz - 28 dekabr

Astroloji proqnoz - 28 dekabr

28 Dekabr 2017 00:08