“Qarabağ” antirekorda şərik çıxdı
Digər
22 Noyabr 2017 22:22

“Qarabağ” antirekorda şərik çıxdı


Azərbaycan çempionu “Qarabağ” avrokuboklarda antirekorda şərik çıxıb. Apasport.az saytının məlumatına görə, Ağdam klubu bir mövsümdə üç futbolçusu qırmızı vərəqə alan ikinci Azərbaycan komandasıdı.

 

Bu antirekord Çempionlar Liqasının qrup mərhələsinin V turunda rəsmiləşib. “Çelsi” ilə matçda meydandan qovulan Rəşad Sadıqov xoşagəlməz seriyanı davam etdirib.

 

Belə ki, “Qarabağ” ardıcıl 3-cü oyunda qırmızı vərəqəyə üzülüb. “Atletiko” ilə III turun matçında Dino Ndlovu, IV turun görüşündə Pedro Enrike belə cəza görmüşdü.

 

“Qarabağ” qədər yalnız bir dəfə Azərbaycan təmsilçisi mövsümdə 3 dəfə belə cəzalanıb. Buna 2014/15 mövsümündə təsadüf olunub.

 

Həmin vaxt yeni antirekordu “Neftçi” müəyyənləşdirib. Erik Ramos, Ernest Nfor və Kaue da Silva qırmızı vərəqə alıb. Lakin “ağ-qaralar”ın üçü də eyni matçda cəzalanıb. Legionerlər Avropa Liqasının pley-off mərhələsinin “Partizan”la ev oyununda “fərqləniblər”.

 

Bu isə o deməkdi ki, mövsümdəki qırmızı vərəqə sayında “Neftçi”yə şərik çıxan “Qarabağ” özü də bir yeni antirekord müəllifi olub. Ağdam klubu ardıcıl 3 matçda azlıqda qalan ilk komandamızdı.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 13 dekabr

Astroloji proqnoz - 13 dekabr

13 Dekabr 2017 00:08
Astroloji proqnoz - 8 dekabr

Astroloji proqnoz - 8 dekabr

08 Dekabr 2017 00:08
Astroloji proqnoz - 13 dekabr

Astroloji proqnoz - 13 dekabr

13 Dekabr 2017 00:08
Astroloji proqnoz - 12 dekabr

Astroloji proqnoz - 12 dekabr

12 Dekabr 2017 00:13