"Ən pis vəziyyət Sabirabad və İmişli rayonlarındadır"
Ölkə
2 Dekabr 2017 9:24

"Ən pis vəziyyət Sabirabad və İmişli rayonlarındadır"


Azərbaycanın bəzi rayonlarında qızlar 9-cu sinfədək təhsil ala bilmirlər.

Milli.Az Trend-ə istindən xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

Onun sözlərinə görə, 1-ci sinfə getdikdə oğlan və qızların nisbəti təxminən yarıbayarı olur: "Amma bəzi rayonlarda məzunların 60 faizindən çoxu oğlandır. Bu isə təbii amillərlə bağlı deyil. Bu, o deməkdir ki, qızlar 9-cu sinfə gəlib çatmayıblar. Müəyyən rayonlarda isə oğlan məzunların sayı 48 faizdən azdır. Bu, o deməkdir ki, oğlanlar 13-14 yaşlarından təsərrüfat işlərinə və s. cəlb olunur və artıq 9-cu sinfə gəlib çatmırlar".

M.Abbaszadə qeyd edib ki, icbari təhsil başa çatdıqdan sonra 9-cu sinfi bitirən məzunların 30-35 faizi təhsilini davam etdirmir:

"Onlar kolleclərə qəbul üçün sənəd vermirlər. Ən yaxşı halda əmək fəaliyyətinə başlayır, ən pis halda isə işsiz olurlar. Çünki peşələri də yoxdur".

M.Abbaszadə qeyd edib ki, bu səbəbdən gələcəkdə rayonlarında sosial-iqtisadi, demoqrafik həyatında müəyyən problemlər yarana bilər.

Direktorlar Şurasının sədri bildirib ki, sadalanan gender məsələləri ilə əlaqədar ən pis vəziyyət Sabirabad və İmişli rayonlarındadır.

M.Abbaszadə onu da əlavə edib ki, bu il 9-cu sinfi təxminən 110 min, 11-ci sinfi isə 80 min məzun bitirib.

Milli.Az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 12 dekabr

Astroloji proqnoz - 12 dekabr

12 Dekabr 2017 00:13
Astroloji proqnoz - 13 dekabr

Astroloji proqnoz - 13 dekabr

13 Dekabr 2017 00:08
Muarem Muarem yeni klubda

Muarem Muarem yeni klubda

12 Dekabr 2017 16:13
Astroloji proqnoz - 8 dekabr

Astroloji proqnoz - 8 dekabr

08 Dekabr 2017 00:08