Həzi Aslanov adına Mərkəzi Zabitlər Evində sərgi keçirilib
Mədəniyyət
2 Dekabr 2017 13:16

Həzi Aslanov adına Mərkəzi Zabitlər Evində sərgi keçirilib


Bakı. 2 dekabr. REPORT.AZ/ Həzi Aslanov adına Mərkəzi Zabitlər Evində hərbi qulluqçuların və ailə üzvlərinin xüsusi istedad və bacarıqlarını nümayiş etdirmək, hərbi kollektivdə milli-mənəvi dəyərlərə bağlılığın formalaşdırılması məqsədilə əl işlərindən ibarət “Mənim dünyam” adlı bədii yaradıcılıq sərgisi keçirilib.
Bu barədə "Report"a Müdafiə Nazirliyinin mətbuat xidmətindən məlumat verilib.
Tədbirdə “N” nömrəli hərbi hissənin şəxsi heyəti, Rəssamlar İttifaqının və ictimaiyyətin nümayəndələri, kütləvi informasiya vasitələrinin əməkdaşları iştirak edib.
Əvvəlcə ümummilli lider Heydər Əliyevin və Azərbaycanın müstəqilliyi, ərazi bütövlüyü uğrunda şəhid olanların xatirəsi bir dəqiqəlik sükutla yad edilib, Dövlət himni səsləndirilib.
Tədbirdə çıxış edənlər sərginin hərbçilərin dünyagörüşlərinin formalaşdırılması baxımından əhəmiyyətindən danışıblar.
Sərgi rəngkarlıq, heykəltəraşlıq, dekorativ tətbiqi sənət, qrafika, keramika, bədii toxuculuq (tikiş, naxış), maket və digər əl işləri üzrə sahələri əhatə edib.
Mərkəzi Zabitlər Evin yaradıcı kollektivinin təqdim etdiyi maraqlı konsert proqramının müşayiəti ilə tədbir iştirakçıları sərgiylə tanış olublar.
Sonda sərgidə sənət nümunələri nümayiş etdirilən yaradıcı iştirakçılara fəxri fərmanlar təqdim olunub.






loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 12 dekabr

Astroloji proqnoz - 12 dekabr

12 Dekabr 2017 00:13
Astroloji proqnoz - 13 dekabr

Astroloji proqnoz - 13 dekabr

13 Dekabr 2017 00:08
Muarem Muarem yeni klubda

Muarem Muarem yeni klubda

12 Dekabr 2017 16:13
Astroloji proqnoz - 8 dekabr

Astroloji proqnoz - 8 dekabr

08 Dekabr 2017 00:08