Avropa İnvestisiya Bankı "Cənub Qaz Dəhlizi"nə 2 mlrd. avro ayırmağı planlaşdırır
İqtisadiyyat
2 Dekabr 2017 13:56

Avropa İnvestisiya Bankı "Cənub Qaz Dəhlizi"nə 2 mlrd. avro ayırmağı planlaşdırır


Bakı. 2 dekabr. REPORT.AZ/ Avropa İnvestisiya Bankı (EIB) “Cənub Qaz Dəhlizi” (SGC) layihəsinə 2 mlrd. avro kredit ayıra bilər. 
“Report”un məlumatına görə, hazırda bank bununla bağlı qərarı gözdən keçirir.
Qeyd edək ki, ötən həftə Avropa Komissiyasının (AK) enerji məsələləri üzrə vitse-prezidenti Maroş Şefçoviç və AK-nın enerji və iqlim üzrə komissarı Migel Arias Kanyete (Miguel Arias Cañete) EIB prezidenti Verner Hoyerə (Werner Hoyer) adıçəkilən layihənin maliyyələşdirilməsi ilə əlaqədar məktub ünvanlayıb. Məktubda SGC-nin Avropa İttifaqı (Aİ) əhəmiyyəti və onun maliyyələşdirilməyinin önəmli olduğu haqqında yazılıb.
Cənub Qaz Dəhlizi layihəsinin bir hissəsi olan TAP kəməri ilə "Şahdəniz-2" layihəsi çərçivəsində hasil olunan qazın ilkin olaraq ildə 10 mlrd. kubmetrinin Avropaya nəqli nəzərdə tutulur. Bu boru kəməri Türkiyə-Yunanıstan sərhədindəki Kipoy ərazisində TANAP (Trans-Anadolu) boru kəmərinə qoşulacaq və Yunanıstan, Albaniya və Adriatik dənizindən keçməklə İtaliyanın cənubuna qədər uzanacaq.
"Şahdəniz" konsorsiumu iki il ərzində müxtəlif seçim variantlarını nəzərdən keçirdikdən sonra 2013-cü il iyunun 28-də TAP kəmərini seçdiyini rəsmən açıqlayıb. Boru kəmərinin ümumi uzunluğu 878 km-dir. Bunun da 550 km-i Yunanıstan ərazisini, 215 km-i Albaniyanı, 105 km-i Adriatik dənizini, 8 km-i isə Cənubi İtaliyanı əhatə edəcək. Boru kəmərinin ən yüksək nöqtəsi Albaniya dağlarında (1 800 m), ən aşağı hissəsi isə (-820 m) dənizin dibində olacaq.
TAP-ın 2016-cı il mayın 17-də Yunanıstanın Saloniki şəhərində təməlqoyma mərasimi keçirilib. 2020-ci ildə Azərbaycan qazının Avropaya çatdırılacağı nəzərdə tutulur.
TAP-ın səhmdarları rolunda BP (20%), SOCAR (20%), "Snam S.p.A." (20%), "Fluxys" (19%), "Enagas" (16%) və "Axpo" (5%) şirkətləri çıxış edir.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 12 dekabr

Astroloji proqnoz - 12 dekabr

12 Dekabr 2017 00:13
Astroloji proqnoz - 13 dekabr

Astroloji proqnoz - 13 dekabr

13 Dekabr 2017 00:08
Muarem Muarem yeni klubda

Muarem Muarem yeni klubda

12 Dekabr 2017 16:13
Astroloji proqnoz - 8 dekabr

Astroloji proqnoz - 8 dekabr

08 Dekabr 2017 00:08