Türkiyə GF prezidenti: Fərid Qayıbovun UEG prezidenti seçilməsi dünya gimnastikasına yeni yeni nəfəs gətirəcək
Ölkə
2 Dekabr 2017 16:17

Türkiyə GF prezidenti: Fərid Qayıbovun UEG prezidenti seçilməsi dünya gimnastikasına yeni yeni nəfəs gətirəcək


Split. Elçin Mehdiyev – Trend:

Düşünürəm ki, Fərid Qayıbovun Avropa Gimnastika İttifaqının (UEG) prezidenti seçilməsi dünya gimnastikasına yeni bir həyəcan, yeni bir nəfəs gətirəcək.

Bunu Trend-ə Türkiyə Gimnastika Federasiyasının prezidenti Suat Çelen deyib.

S.Çelen bildirib ki, Türkiyə olaraq hər zaman Fərid Qayıbova dəstək göstərməyə hazırdırlar: “Azərbaycan gimnastikanın inkişafına diqqət göstərən bir ölkədir. Ümid edirəm ki, Fərid Qayıbov gəldikdən sonra Avropanın xüsusilə dünya çempionatları və olimpiadalarda qazandığı medalların sayı artacaq”.

O vurğulayıb ki, Azərbaycanda beynəlxalq təşkilatlarla birgə həyata keçirilən yeni layihələr, yeni idman arenalarının tikintisi gimnastikanın daha inkişafına xidmət edəcək: “Mən artıq 5 ildir ki, Türkiyə Gimnastika Federasiyasına rəhbərlik edirəm. İlk olaraq səfər etdiyim ölkə Azərbaycan idi. İdmançıları ilk məşq toplantısına da Azərbaycana göndərmişdim. Bizim dostluğumuz sözdə deyil, əməldədir”.

Qeyd edək ki, Azərbaycan Gimnastika Federasiyasının baş katibi Fərid Qayıbov Avropa Gimnastika İttifaqının (UEG) prezidenti seçilib. Xorvatiyanın Split şəhərində Avropa Gimnastika İttifaqının 27-ci konqresi çərçivəsində keçirilən prezident seçkilərində F.Qayıbov 28 səs toplamaqla bu posta digər namizəd, 20 səs toplamış sloveniyalı rəqibini geridə qoyub.

Trend-in ən mühüm və maraqlı xəbərlərini "Telegram"da izləyin

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 11 dekabr

Astroloji proqnoz - 11 dekabr

11 Dekabr 2017 00:03
Astroloji proqnoz - 12 dekabr

Astroloji proqnoz - 12 dekabr

12 Dekabr 2017 00:13
Astroloji proqnoz - 8 dekabr

Astroloji proqnoz - 8 dekabr

08 Dekabr 2017 00:08