Təhlükəli toyuq məhsulları ilə bağlı
İqtisadiyyat
20 İyul 2017 13:12

Təhlükəli toyuq məhsulları ilə bağlı


Ukraynadan idxal edilərək ölkənin müxtəlif bazar və dükanlarında satılan “Qualiko” əmtəə nişanlı dondurulmuş toyuq məhsulları təyin olunmuş normativlərə uyğundur.

Bu barədə Metbuat.az-a Dövlət Gömrük Komitəsindən (DGK) məlumat verilib.

Komitədən bildirilir ki, ölkə ərazisinə idxal edilən bütün növ mal və nəqliyyat vasitələri qanunvericilikdə nəzərdə tutulan müvafiq sənədlər yoxlanıldıqdan və lazim olduğu təqdirdə müvafiq ekspertiza və labarator müayinələr aparıldıqdan sonra gömrük rəsmiləşdirilməsindən keçirilir.

Məlumatda qeyd olunur ki, “Qualiko” əmtəə nişanı adı altında ölkəyə gətirilən dondurulmuş toyuq əti məhsullarını idxal edən xarici iqtisadi fəaliyyət iştirakçıları da tələb olunan müvafiq sənədləri - Azərbaycan Kənd Təsərrüfatı Nazirliyi yanında Dövlət Baytarlıq Xidmətinin idxala icazə sənədini, Azərbaycan Səhiyyə Nazirliyinin Gigiyenik sertifikatını, Ukraynanın Beynəlxalq Gigiyenik sertifikatını, mənşə sertifikatını, bir sözlə qanunvericilikdə nəzərdə tutulan sənədləri müvafiq gömrük orqanına təqdim edib. Bundan sonra yükün qida təhlükəsizliyinin təyin edilməsi məqsədilə DGK-nın Mərkəzi Gömrük Ekspertizası İdarəsində müvafiq ekspertiza aparılıb və məhslun təyin olunmuş normativlərə uyğun olduğu da müəyyən edilib. Eyni zamanda, idxalatçı şirkətin İqtisadiyyat Nazirliyinin “İstehlak Mallarının Ekspertizası Mərkəzi” MMC-nin Mərkəzi qida və qeyri-ərzaq mallarının sınaq laboratoriyasına təqdim etdiyi nümunənin kimyəvi analizi də aparılıb və laboratoriyanın sınaq nəticələrinə dair protokolunda nəmliliyin normaya uyğun olduğu göstərilib.

Qanunvericilikdə nəzərdə tutulan bütün prosedurlar həyata keçirildikdən sonra “Qualiko” əmtəə nişanı adı altında ölkəyə idxal olunan toyuq əti məhsulları gömrük rəsmiləşdirilməsindən keçirilib.

Mərkəzi Bankının valyuta məzənnələri - Oxumaq üçün tıkla

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 15 avqust

Astroloji proqnoz - 15 avqust

15 Avqust 2017 00:13
Adriana Limadan şok etiraf

Adriana Limadan şok etiraf

10 Avqust 2017 15:02
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13