Rusiya XİN Azərbaycan və Ermənistan prezidentlərinin görüşünün təşkili barədə məlumatları şərh edib
Ölkə
20 İyul 2017 15:31

Rusiya XİN Azərbaycan və Ermənistan prezidentlərinin görüşünün təşkili barədə məlumatları şərh edib


Bakı. 20 iyul. REPORT.AZ / "Rusiya tərəfinin Dağlıq Qarabağ münaqişəsinin nizamlanması ilə bağlı Azərbaycan və Ermənistan prezidentlərinin görüşünün təşkil etməsi barədə məlumatlar həqiqətə uyğun deyil."
"Report" xəbər verir ki, bu barədə Rusiya Xarici İşlər Nazirliyinin mətbuat xidmətindən bildiriblər.
"Biz yazılanların ("İzvestiya" qəzetində - red.) faktiki səhv olduğunu qeyd etmək istərdik. Orada Rusiya XİN-dəki mənbələrə istinadən məlumat verilir ki, Avstriyanın Mauerbax şəhərində xarici işlər nazirlərinin qeyri-formal görüşündə XİN başçısı Sergey Lavrovun Azərbaycan və Ermənistan XİN rəhbərləri ilə danışıqlarda Moskvada iki ölkənin prezidentlərinin görüşünü təşkil olunması təklif edilib. Bu məlumat qeyri-dəqiqdir, çünki bütün nazirlər Avstriyada olmayıb. Həmin gün Azərbaycan və Ermənistanın xarici işlər nazirləri Brüsseldə görüşüblər. Görüşdə Dağlıq Qarabağ münaqişəsinin nizamlanması üzrə gələcək işlər, o cümlədən Ermənistan-Azərbaycan sammitinin keçirilməsi imkanları müzakirə olunub. Görüş yeri müzakirə olunmayıb", - bunu jurnalistlərin sualını şərh edərkən Rusiyanın xarici siyasət qurumundan bildiriblər.
Rusiya XİN jurnalistləri bu məsələnin incə olmasını nəzərə alaraq şübhəli mənbələrə yox, rəsmi məlumatlara istinad etməyə çağırıb.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Mazolu bir gündə sağaldan

Mazolu bir gündə sağaldan

21 Avqust 2017 18:02
Astroloji proqnoz - 21 avqust

Astroloji proqnoz - 21 avqust

21 Avqust 2017 00:08
Astroloji proqnoz - 22 avqust

Astroloji proqnoz - 22 avqust

22 Avqust 2017 00:08