Namus üstündə arvadını öldürdü - Məhkəmə
Ölkə
20 İyul 2017 15:44

Namus üstündə arvadını öldürdü - Məhkəmə


Arvadını namus üstündə öldürməkdə təqsirləndirilən Əkbər Quliyevin cinayət işi üzrə məhkəmə prosesi keçirilib.

Milli.Az lent.az-a istinadən xəbər verir ki, Bakı Ağır Cinayətlər Məhkəməsində məhkəmə istintaqının başa çatdığı elan edilib.
 
Çıxış üçün söz dövlət ittihamçısına verilib. Prokuror çıxışında arvadını xüsusi amansızlıqla, əzab verərək öldürən Əkbər Quliyevə cəza istəyib. Dövlət ittihamçısı Əkbər Quliyevin 18 il müddətinə azadlıqdan məhrum edilməsini tələb edib.
 
Təqsirləndirilən şəxsin vəkili çıxış üçün vaxt istəyib.
 
Məhkəmə iyulun 27-nə təyin edilib.
 
Qeyd edək ki, hadisə 2017-ci martın 24-də  Yasamal rayonu ''Qanlıgöl'' yaxınlığında baş verib.
 
Qeyd edilən ərazidə kirayədə yaşayan 43 yaşlı Əkbər Quliyev qısqanclıq zəminində həyat yoldaşı, 42 yaşlı Firuzə Quliyevaya küçənin ortasında çoxsaylı bıçaq xəsarətləri yetirib. 14 bıçaq zərbəsi alan F.Quliyeva hadisə yerində ölüb.
 
Ə.Quliyev ifadəsində deyib  ki, həyat yoldaşını yad kişi ilə görüb. Bunun səbəbini soruşduqda qadın həmin şəxsin tanışı olduğunu deyərək, ərinə ''işinlə məşğul ol'' söyləyib. Həyat yoldaşının laqeydliyini qəbul edə bilməyən Ə.Quliyev arvadını bıçaqlayıb.

Milli.Az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 17 avqust

Astroloji proqnoz - 17 avqust

17 Avqust 2017 00:08
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13