“Hazırda Azərbaycanda dayanıqlı tropik hava kütlələri hökm sürür”
Ölkə
20 İyul 2017 16:54

“Hazırda Azərbaycanda dayanıqlı tropik hava kütlələri hökm sürür”


"Hazırda Azərbaycan ərazisində müşahidə olunan hava şəraiti iyul ayı üçün xarakterikdir və iqlim normasına uyğundur".

Milli.Az xəb\ər verir ki, bunu report-a açıqlamasında Azərbaycan Milli Elmlər Akademiyasının Coğrafiya İnstitutunun İqlim və aqroiqlimşünaslıq şöbəsinin elmi işçisi, coğrafiya üzrə fəlsəfə doktoru, iqlimşünas Məhərrəm Həsənov deyib.

İqlimşünas bildirib ki, Bakıda hazırda havanın temperatur 35-37 dərəcə arasındadır: "Paytaxt üçün orta aylıq temperatur 26-27 dərəcədir. Ayrı-ayrı günlərdə temperatur yüksək olsa da, ortalama toplayanda orta aylıq temperatura yaxın olacaq. Ən yüksək temperatur, yəni 40 dərəcə Mərkəzi Aranda və Naxçıvanda müşahidə oluna bilər. Amma bu da sutkalık temperatur deyil, yüksək temperatur günorta müşahidə olunur".

Onun sözlərinə görə, hazırda Azərbaycanda tropik hava kütlələri hökm sürür: "Bu, Şimali Afrikadan Ərəbistandan gələn hava kütlələri dayanıqlı şəkildə durur. Belə hava kütlələri adətən 3-5 gün hakimlik edir".

Məhərrəm Həsənov qeyd edib ki, iyul və avqust ayı Azərbaycanda elə də sərin keçmir, adətən avqustun birinci ongünlüyünə qədər istilər olur: "Növbəti günlərdə ölkə ərazisində temperatur normadan 1-2 dərəcə çox ola bilər. Amma havanın temperaturunun kəskin aşağı düşməsi gözlənilmir. Yəni, 5 dərəcə fərqi ilə havanın soyuması olmayacaq, ümumi normaya yaxın olacaq".

Mütəxəssis belə havanın kənd təsərrüfatına təsirindən danışaraq bildirib ki, hazırda müşahidə olunan hava şəraiti bəzi meyvələrə və bostan bitkilərinə xeyirdir: "Məsələn üzümə, qarpaza, yemişə isti hava yaxşı təsir edir, onların keyfiyyəti yaxşı, şirinliyi də çox olacaq".

İsti havanın insanların səhhətinə təsirinin havanın nisbi rütubətinin normadan yüksək olması ilə bağlı olduğunu deyən mütəxəssis bildirib ki, normal nisbi rütubət 40-45 faiz olmalıdır: "Amma belə temperaturda nisbi rütubət 65 faizə qədər olur. Bu səbəbdən də insanların sağlamlıq durumları ilə bağlı narahatlıq hiss etmələri normaldır. Rütubətin çoxalması nəticəsində havada oksigenin azalması müşahidə olunur ki, bunun nəticəsində orqanizmdə narahatlıq yarana bilər".

Milli.Az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 20 avqust

Astroloji proqnoz - 20 avqust

20 Avqust 2017 00:08
Astroloji proqnoz - 21 avqust

Astroloji proqnoz - 21 avqust

21 Avqust 2017 00:08
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13