Mərakeşdə Beynəlxalq Statistika İnstitutunun 61-ci dünya statistika konqresi başa çatıb
İqtisadiyyat
21 İyul 2017 20:56

Mərakeşdə Beynəlxalq Statistika İnstitutunun 61-ci dünya statistika konqresi başa çatıb


Bakı. 21 iyul. REPORT.AZ/ İyulun 16-21-də Mərakeş Krallığında keçirilən Beynəlxalq Statistika İnstitutunun 61-ci dünya statistika konqresi işini yekunlaşdırıb. 
Bu barədə “Report”a Dövlət Statistika Komitəsindən (DSK) məlumat verilib.
Bildirilib ki, Mərakeş şəhərində baş tutan konqresdə BMT-nin Avropa iqtisadi Komissiyasının ekspert qrupunun üzvü olan Almaniya və İsveçrənin statistika qurumlarının nümayəndələri ilə yanaşı, DSK-nın Əmək statistikası şöbəsinin müdiri Nemət Xuduzadə də iştirak edib.
Dünya Statistika Konqresi çərçivəsində Beynəlxalq Əmək Təşkilatının təşkilatçılığı ilə “Layiqli əməyin ölçülməsi, keyfiyyətli məşğulluq və keyfiyyətli iş yerləri: beynəlxalq standartlar çərçivəsində müqayisəlilik və milli təcrübələr” adlı sessiya da təşkil edilib. Sessiyanın məqsədi layiqli əməyin ölçülməsi, keyfiyyətli məşğulluq və işin keyfiyyəti üzrə beynəlxalq statistik standartlar çərçivəsində müxtəlif növ göstəricilər arasında fərqli cəhətlərin mövcudluğu və bununla bağlı müzakirələrin aparılmasıdır.
Beynəlxalq tədbirdə “Layiqli əməyin ölçülməsi:Azərbaycan təcrübəsi” mövzusuda təqdimat olub və bu sahədə görülmüş işlər haqqında məlumat verilib.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

süd nə üçün  daşır?

süd nə üçün daşır?

19 Avqust 2017 12:22
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13