"Şerif" klubunun "Qarabağ"la oyun üçün Bakıya səfər proqramı açıqlanıb
İdman
22 İyul 2017 12:41

"Şerif" klubunun "Qarabağ"la oyun üçün Bakıya səfər proqramı açıqlanıb


Bakı. 22 iyul. REPORT.AZ/ Moldovanın "Şerif" klubunun "Qarabağ"la Çempionlar Liqasının III təsnifat mərhələsinin ilk oyunu üçün Bakıya səfər proqramı müəyyənləşib.
Bunu "Report"a açıqlamasında Tiraspol təmsilçisinin mətbuat katibi Miroslav Primoviç bildirib. 
Onun sözlərinə görə, "Şerif" iyulun 24-də Bakıya çarter reysli təyyarə ilə gələcək. Mətbuat katibi qeyd edib ki, həmin gün Tofiq Bəhramov adına Respublika stadionunda axşam saatlarında komandanın baş məşqçisi Roberto Bordinin mətbuat konfransı və ilk 15 dəqiqəsi açıq olan məşq nəzərdə tutulub. İyulun 25-də saat 21:00-da başlanacaq qarşılaşmanın ardından qonaqlar Bakını tərk edəcəklər.
Bu gün isə "Şerif" Moldova Milli Diviziyasının III turu çərçivəsində "Zimbru"nu qəbul edəcək. Hazırda çempionatın mərkəzi oyununu düşündüklərini deyən Primoviç hələlik heyətdə zədəli oyunçunun olmadığını vurğulayıb. O, cəza üzündən Ceremi De Noyyeri Bakıya gətirə bilməyəcəklərini söyləyib. Hollandiyalı yarımmüdafiəçi Albaniyanın "Kukesi" komandası ilə Çempionlar Liqasının II təsnifat mərhələsinin cavab oyununda qırmızı vərəqə alıb.
Klub rəsmisi Bakı istisindən ehtiyatlanmadıqlarını da açıqlayıb: "Hazırda Tiraspolda da istidir. Üstəlik, Albaniyada da çox isti hava şəraitində çıxış etmişdik".
Qeyd edək ki, "Şerif"lə "Qarabağ" arasındakı cavab oyunu avqustun 1-də Tiraspolda olacaq.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 20 avqust

Astroloji proqnoz - 20 avqust

20 Avqust 2017 00:08
Astroloji proqnoz - 21 avqust

Astroloji proqnoz - 21 avqust

21 Avqust 2017 00:08
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13