Bitməyən tıxacların şəhəri Bakıda avtomobil sayı – ARAŞDIRMA
Ölkə
23 İyul 2017 21:04

Bitməyən tıxacların şəhəri Bakıda avtomobil sayı – ARAŞDIRMA


90-cı illərdən etibarən sürətlə böyüyən, kütləvi köçlər qəbul edən Bakının tıxac problemi gündəlik həyatımıza ən çox təsir edən məsələlərdən biridir. Dünyanın bir çox böyük şəhəri kimi Bakı yolları da tıxac, dayanacaq və ictimai nəqliyyatdakı sıxlıqdan əziyyət çəkir.

Milli.Az  paho.az-a istinadən xəbər verir ki, bu problemin səbəblərindən biri olaraq isə Bakı küçələrində maşın sayının çoxluğu qeyd edilir. Bakıda digər şəhərlərlə müqayisədə daha çox maşının olub olmamasını öyrənmək kiçik bir araşdırma etdik.

Bakı küçələrində nə qədər avtomobil var? Dövlət Statistika Komitəsinin hər il açıqladığı statistikalara görə 2015-ci ildə Bakıda 728.706 avtomobil qeydiyyatdan keçib. 2000-ci ildə açıqlanan ilk statistikalara əsasən Bakıda 145.9 min maşının qeydiyyatdan keçdiyi göstərilir. 15 il ərzində Bakıda avtomobil sayı davamlı olaraq artıb. Bu rəqəmlərə əsasən hal hazırda Bakıda adambaşına 0.31 maşın düşür. Azərbaycan üzrə qeydiyyatdan keçən avtomobillərin sayı isə 1 milyon 322 minə yüksəlib.

Ancaq rəsmi statistikaların Bakının real əhali və avtomobil sayını əks etdirdiyi şübhəlidir. Rəsmi rəqəmlərə əsasən Bakıda qeydiyyatdan keçən vətəndaş sayı 2.2 milyon olsa da, paytaxtda yaşayanların sayı daha çoxdur.

Dünyanın böyük şəhərlərində avtomobil sayı

Bakı ilə müqayisə etmək üçün dünyanın bəzi böyük şəhərlərinin də statistikalarına baxdıq.

12 milyon əhalisi olan Moskvada 5.5 milyon avtomobil var. Rusiyanın paytaxtında adambaşına 0.46 maşın düşür. Moskva tıxacda ən çox vaxt keçirilən ikinci şəhərdir.

Tıxacları ilə məşhur İstanbulda isə 3.2 milyon avtomobil qeydiyyatdan keçib. 14.8 milyon əhalisi olan meqapolisdə adambaşına 0.21 maşın var. Ancaq eynən Bakıda olduğu kimi İstanbulda da qeydiyyatda olmayan çox sayda maşın olduğu bilinir.

Dünyada ən çox əhalisi olan ikinci şəhəri New Delhi'də adam başına 0.33 maşın düşür. 21 milyon insanın yaşadığı şəhərdə 7.3 milyon avtomobil var.

Britaniyanın paytaxtı Londonda isə adambaşına 0.29 maşın düşür. Londonda 2.56 milyon avtomobil var. Dünyanın maliyyə mərkəzlərindən biri sayılan Londonda 8.6 milyon insan yaşayır.

İNRİX statistikalarına görə tıxacda ən çox vaxt keçirən şəhərlər

Nəqliyyat sahəsində bütün dünya üzrə araşdırmalar edən İNRİX şirkəti hər il tıxacda ən çox vaxt keçirilən şəhərlərin siyahısını açıqlayır. Yanvarda açıqlanan son siyahıya əsasən Los Angeles sürücüləri tıxacda 104 saat keçirərək siyahının zirvəsindədir. İkinci yerdə Rusiyanın paytaxtı Moskvadır. Moskvalılar tıxacda 91 saat vaxt keçirir.

İNRİX təəssüf ki, Bakı üzrə apardığı heç bir araşdırma yoxdur. Həmin siyahıya əsasən tıxacda ən çox vaxt keçirən 10 şəhəri təqdim edirik:

Milli.Az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 21 avqust

Astroloji proqnoz - 21 avqust

21 Avqust 2017 00:08
Astroloji proqnoz - 22 avqust

Astroloji proqnoz - 22 avqust

22 Avqust 2017 00:08
Mazolu bir gündə sağaldan

Mazolu bir gündə sağaldan

21 Avqust 2017 18:02
Avqustun 21-nə olan

Avqustun 21-nə olan

21 Avqust 2017 00:22