ÇL: “Qarabağ” Bakıda "Şerif"in müqavimətini qıra bilməyib
İdman
25 İyul 2017 22:56

ÇL: “Qarabağ” Bakıda "Şerif"in müqavimətini qıra bilməyib


Bakı. 25 iyul. REPORT.AZ/ "Qarabağ” komandası Moldova "Şerif"i ilə futbol üzrə Çempionlar Liqasının III təsnifat mərhələsinin ilk oyununda üz-üzə gəlib.
"Report"un məlumatına görə, Tofiq Bəhramov adına Respublika stadionunda keçirilmiş qarşılaşma qolsuz yekunlaşıb - 0:0.
Ardıcıl dördüncü mövsüm qitənin ən nüfuzlu klub turnirində çıxış edən Qurban Qurbanovun rəhbərlik etdiyi kollektiv əvvəlki illərdə məhz bu raundda mübarizəni dayandırıb və yoluna Avropa Liqasında davam edib. Bu baxımdan "Qarabağ”ın "Şerif”lə dueldə tilsimi qırmaq üçün Tofiq Bəhramov adına Respublika stadionunda baş tutmuş görüşdə müsbət nəticə əldə etməsi vacib idi. Lakin ərazi üstünlüyünə malik olmasına baxmayaraq, Azərbaycan çempionları rəqibin müqavimətini qıra bilməyiblər. Avqustun 1-də Tiraspolda keçiriləcək cavab görüşündə "Qarabağ" ən azı istənilən hesablı qollu heç-heçəyə nail olmalıdır.
Qeyd edək ki, Ağdam təmsilçisi II təsnifat mərhələsində Gürcüstan çempionu "Samtredia”nı mübarizədən kənarlaşdırıb (5:0, 1:0). Tiraspol klubu isə Albaniyanın "Kukes”i komandasından güclü olub (1:0, 1:2).
Çempionlar Liqası
III təsnifat mərhələsi, ilk oyun
25 iyul
21:00. "Qarabağ” (Azərbaycan) – "Şerif” (Moldova) - 0:0
Baş hakim: Sergey Tsınkeviç
Yan xətt hakimləri: Yevgeni Romanov, Vitali Malyutsin
Dördüncü hakim: Viktor Şimusik (hakimlər briqadası Belarusdandır)
Hakim-inspektor: İçko Lozev (Bolqarıstan)
UEFA nümayəndəsi: Kuanış Kanapyanov (Qazaxıstan)
Bakı. Tofiq Bəhramov adına Respublika stadionu.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 17 avqust

Astroloji proqnoz - 17 avqust

17 Avqust 2017 00:08
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13