Abbas: “İsraillə əlaqələri bərpa etməyəcəyik”
Digər
26 İyul 2017 5:42

Abbas: “İsraillə əlaqələri bərpa etməyəcəyik”


“Qüdsdə “Əl-Aksa” məscidinin girişində metal detektorların götürülməsinə baxmayaraq Fələstin  İsraillə əlaqələri bərpa etməyəcək”. APA-nın “RİA Novosti”yə istinadən verdiyi xəbərə görə, bunu Fələstin prezidenti Mahmud Abbas  deyib.  

 

“Hər şey 14 iyul tarixindən əvvəlki vəziyyətə qayıtmayınca, heç bir dəyişiklik olmayacaq”, - deyə M.Abbas əlavə edib.  

 

Onun sözlərinə görə, Fələstin ikitərəfli əlaqələrin bərpası məsələsinə yalnız İsrail hökumətinin “Əl-Aksa” məscidi ilə bağlı tətbiq etdiyi bütün yeni tədbirləri aradan qaldırmasından sonra baxacaq: “İsrailin bütün yeni tədbirləri ləğv edilməlidir. Qüdsdə vəziyyət yalnız o zaman normallaşacaq və biz ikitərəfli münasibətlər üzərində işimizi davam etdirəcəyik”.  

 

Xatırladaq ki, ötən gün Qüdsdə “Əl-Aksa” məscidinin girişində İsrail tərəfindən quraşdırılan metal detektorlar və video kameralar götürülüb.  Müsəlmanların sərt etirazına səbəb olmuş elektron təhlükəsizlik sistemləri İsrailin hərbi-siyasi kabinetinin qərarı ilə ləğv edilib. 

 

Qeyd edək ki, iyulun 14-də Qüdsdə “Əl-Aksa” məscidi yaxınlığında fələstinli gənc İsrail polislərinə hücum edib. Nəticədə 2 polis ölüb, daha biri yaralanıb. Bundan sonra İsrail hökuməti “Əl-Aksa” məscidinə girişdə yeni təhlükəsizlik qaydaları tətbiq edib. Bu, fələstinlilərin kütləvi etirazı ilə qarşılanıb.

 

İsrail təhlükəsizlik qüvvələri ilə toqquşmalar nəticəsində 4 fələstinli ölüb, yüzlərlə şəxs yaralanıb.  

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 15 avqust

Astroloji proqnoz - 15 avqust

15 Avqust 2017 00:13
Adriana Limadan şok etiraf

Adriana Limadan şok etiraf

10 Avqust 2017 15:02
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13