Yetim Eyvazın müğənni oğlu atasının yas mərasimində iştirak etmədi - AÇIQLAMA
Ölkə
26 İyul 2017 15:34

Yetim Eyvazın müğənni oğlu atasının yas mərasimində iştirak etmədi - AÇIQLAMA


Xəbər verdiyimiz kimi, Yetim Eyvaz kimi tanınan 65 yaşlı şair Eyvaz Qurbanov tromboemboliya səbəbindən iyulun 23-də vəfat edib.

Milli.Az oxu.az-a istinadən xəbər verir ki, dünən Siyəzəndə, mərhumun yaşadığı Qalaaltı kəndində şairin 3 mərasimi təşkil olunub.

Onun oğlu, müğənni Aqşin Qurbanov atasının öldüyü gündən bugünədək yas mərasimində iştirak etməyib.

Oxu.Az-a bu barədə məlumatı 8 ildir şairin sürücüsü işləyən Anar bəy verib.

"Eyvaz bəyin 3 qız, 2 oğlan övladı var. 20 ildən artıqdır həyat yoldaşından ayrılıb, uşaqlar anaları ilə birgə, şair isə tək yaşayırdı. Lakin Eyvaz bəy övladlarına maddi və mənəvi cəhətdən dəstək olurdu. Onlar da ataları ilə görüşürdü. Atasının yalnız Aqşinlə münasibətləri yox idi. Neçə ildir ki, görüşmürdülər, ancaq pula ehtiyaca olanda ona da kömək edirdi. Digər övladlar artıq ailə həyatı qurub, Aqşin anası ilə birgə yaşayır.

Aqşindən başqa, digər övladlar atalarının yas mərasimində iştirak etdilər".

Aqşin Qurbanov haqda sosial şəbəkələrdə xoşagəlməz yazılar qeyd olunur. Hətta onda orientasiya pozğunluğu yaranması barədə də xəbərlər yayılıb və atasının bu söz-söhbətlərə görə oğlu ilə münasibətlərinin korlandığı deyilir. Anar bəy bu şayiələrə də aydınlıq gətirib:

"Bəli, həmin söz-söhbətlərə görə atası onu qəbul etmək istəmirdi. O, özü də atası ilə soyuq münasibətlər yaradırdı".

Anar bəy "Şairin səhhəti pisləşəndə siz onun yanında idiniz, hadisə necə baş verdi, onun son sözləri nə oldu?" sualımıza cavabında bunları deyib:

"Bəli, biz onun evində idik, mənə dedi ki, özümü pis hiss edirəm. Həkim çağırmağı təklif etdim. Dedi ki, "Həkim lazım deyil". Əhvalının get-gedə daha da pisləşdiyini görüb, onun sözlərinə məhəl qoymayaraq, evə həkim dəvət etdim. Daha sonra qardaşına xəbər verdim. Onlar gəldilər və həkimin də qərarına görə, xəstəxanaya aparmağı məsləhət gördülər. Lakin şair buna da razı olmadı.

Vəziyyətinin daha da ağırlaşdığını hiss edib, Siyəzən rayon Mərkəzi Xəstəxanasına çatdırdıq. Orada səhər saatlarında keçindi".

Milli.Az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 18 avqust

Astroloji proqnoz - 18 avqust

18 Avqust 2017 00:08
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13