“Bank Standard”ın Kreditorlar Komitəsi Korrupsiyaya qarşı Mübarizə Baş İdarəsinə müraciət edib
İqtisadiyyat
27 İyul 2017 15:51

“Bank Standard”ın Kreditorlar Komitəsi Korrupsiyaya qarşı Mübarizə Baş İdarəsinə müraciət edib


Bakı. 27 iyul. REPORT.AZ/ Ləğvetmə prosesində olan “Bank Standard” QSC-nin Kreditorlar Komitəsi Baş prokuror yanında Korrupsiyaya qarşı Mübarizə Baş İdarəsinə müraciət edib.
“Report” xəbər verir ki, bu barədə Komitənin bu gün keçirilən iclasında qurumun sədri, hüquqşünas Əkrəm Həsənov bildirib.
Onun sözlərinə görə, məqsəd Azərbaycan Mərkəzi Bankı və Maliyyə Bazarlarına Nəzarət Palatasının bağlanana qədər Bankda keçirdiyi yoxlamaların təhlil olunmasıdır: “Yoxlama sənədləri Komitəyə təqdim olunmur ki, bunu özümüz təhlil edək. Odur ki, Baş Prokurorluğa müraciət etmişik. Amma hələ ki, qurumdan cavab verilməyib. Bunu təbii sayıram, çünki təhlil prosesi müəyyən vaxt apara bilər”.
“Bank Standard”ın ləğvetmə planı barədə məlumat verən Ə.Həsənov bildirib ki, plan Bankın 2019-cu ilin sonuna qədər ləğv edilməsini nəzərdə tutur: “Prosesin ondan da çox uzanması ləğvetməni qeyri-effektiv edə bilər. Amma bu planda müəyyən qaranlıq, narahatlıq doğuran məqamlar var. Məsələn, İqtisadiyyat Nazirliyi yanında Sahibkarlığa Kömək Milli Fondu “Bank Standard” vasitəsilə 20,3 mln. manat borc verib. Planda qeyd olunur ki, həmin pul iş adamlarının təkrarmaliyyələşmə mənbəyidir və həmin borc portfelinin Fondun müəyyən etdiyi digər müvəkkil banklara ötürülməsi təmin olunmalıdır. Hesab edirəm ki, bu, düzgün deyil və hüquqi əsası yoxdur. Bundan başqa, planda yazılıb ki, Azərbaycan Mərkəzi Bankı “Bank Standard”a 154 mln. manat borc verib və bu borcun bir hissəsi girovla təmin edilib. Həmin girovlar satılaraq qurumun borcu verilməlidir. Məncə, bu da əsassızdır. Digər tərəfdən isə Bankın ləğvedicisi olan Azərbaycan Əmanətlərin Sığortalanması Fondu da pulunu ilk növbədə götürmək istəyir. Bu isə Konstitusiyaya ziddir. Odur ki, bütün bu məsələləri məhkəmədə qaldıracağıq ki, ləğvetmə planına dəyişikliklər edilsin”.
İclas davam edir. 

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13