“Bank Standard”ın kreditorları Banka borcların qaytarılması prosesini təqib etmək istəyir
İqtisadiyyat
27 İyul 2017 17:11

“Bank Standard”ın kreditorları Banka borcların qaytarılması prosesini təqib etmək istəyir


Bakı. 27 iyul. REPORT.AZ/ Ləğvetmə prosesində olan “Bank Standard” QSC-nin kredit portfelinin əsas hissəsini bir neçə hüquqi şəxsə verilmiş iri məbləğdə kreditlər təşkil edir.
“Report” xəbər verir ki, bu barədə Bankın Kreditorlar Komitəsinin bu gün keçirilən iclasında qurumun sədri Əkrəm Həsənov bildirib.
Onun sözlərinə görə, Bankın ləğvedicisi olan Azərbaycan Əmanətlərin Sığortalanması Fondu (ADIF) həmin şirkətlərdən pul almaq iqtidarında deyil.
“Milyonlarla manat pul hansısa firmaya, məhdud məsuliyyətli cəmiyyətə verilib. Fondun rəhbərliyi da baxır ki, şirkətin bu gün heç nəyi yoxdur, banka girov da qoymayıb, üstəlik arxasında hansısa məmur durub, bankdan pulu da onun tapşırığı əsasında alıb, fikirləşir ki, onsuz da ondan pulu geri ala bilməyəcək, batmış kredit kimi rəsmiləşdirir. Odur ki, kreditorlar özləri borcların qaytarılması prosesini təqib etməlidir. Məsələn, iri kreditorlardan olan “Qala Həyat Sığorta” şirkəti hansısa iri şirkətin “Bank Standard”a olan borcunu necə qaytardığını izləyə bilər”, - deyə Ə.Həsənov qeyd edib.
Kreditorlar bu təklifi müsbət qarşılayıblar. Bununla yanaşı, onlar təklif ediblər ki, ilk növbədə “Bank Standard”ın keçmiş vəzifəli şəxsləri barədə tədbir görülməsi üçün aidiyyəti dövlət qurumlarına müraciət olunsun. Ə.Həsənov da bunun tərəfdarı olduğunu deyib. O, Bankın qanunsuzluqlarda iştirak etməmiş, lakin buna məqsədli şəkildə göz yummuş vəzifəli şəxsləri barədə Azərbaycan Mərkəzi Bankına, Maliyyə Bazarlarına Nəzarət Palatasına, eləcə də Baş Prokurorluğa müraciət ediləcəyini bildirib.
İclas davam edir. 

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 19 fevral

Astroloji proqnoz - 19 fevral

19 Fevral 2018 00:48
Astroloji proqnoz - 20 fevral

Astroloji proqnoz - 20 fevral

20 Fevral 2018 00:03
Astroloji proqnoz - 15 fevral

Astroloji proqnoz - 15 fevral

15 Fevral 2018 00:08
Astroloji proqnoz - 14 fevral

Astroloji proqnoz - 14 fevral

14 Fevral 2018 00:38
Astroloji proqnoz - 16 fevral

Astroloji proqnoz - 16 fevral

16 Fevral 2018 00:08
Astroloji proqnoz - 27 yanvar

Astroloji proqnoz - 27 yanvar

27 Yanvar 2018 00:08