Azərbaycan-Pakistan ticarət əməkdaşlığı üzrə işçi qrupunun ilk iclası keçirilib
İqtisadiyyat
27 İyul 2017 17:41

Azərbaycan-Pakistan ticarət əməkdaşlığı üzrə işçi qrupunun ilk iclası keçirilib


Bakı. 27 iyul. REPORT.AZ/ Bu gün İqtisadiyyat Nazirliyində Azərbaycan-Pakistan ticarət əməkdaşlığı üzrə işçi qrupunun I iclası keçirilib. İqtisadiyyat nazirinin müavini Sahil Babayevin və Pakistanın ticarət katibi Məhəmməd Yunus Dağanın həmsədrlik etdiyi iclasda iqtisadiyyatın müxtəlif sahələrində əlaqələrin mövcud vəziyyəti, xüsusilə ticarət əlaqələrinin genişləndirilməsi imkanları müzakirə edilib, bu istiqamətdə növbəti addımlar nəzərdən keçirilib.
İqtisadiyyat Nazirliyindən "Report"a verilən məlumata görə, iclasda strateji tərəfdaşlıq səviyyəsinə yüksəlmiş Azərbaycan-Pakistan münasibətlərinin əhəmiyyəti və iqtisadi əməkdaşlığın inkişafı üçün geniş potensialın olduğu vurğulanıb.
Tərəflər investisiya, sənaye, turizm, nəqliyyat, tranzit yükdaşımalar, kənd təsərrüfatı, ərzaq məsullarının istehsalı və digər sahələrdə əməkdaşlığın genişləndirilməsi, birgə müəssisələrin yaradılması imkanlarının araşdırılması, investisiya layihələrinin iş adamları arasında təşviq edilməsi, “Made in Azerbaijan” brendinin təbliği məqsədilə cari ildə Pakistana həyata keçirilmiş ixrac missiyasının nəticələrinı müzakirə edib, aparılmış təhlillərə əsasən ixrac edilə biləcək və rəqabətqabiliyyətli məhsul növləri barədə, habelə bu məhsulları istehsal edən yerli şirkətlər haqqında müvafiq məlumatlar qarşı tərəfə təqdim edilib.
Azərbaycan-Pakistan ticarət əməkdaşlığı üzrə işçi qrupunun növbəti iclasının Pakistanda keçirilməsi qərara alınıb.
Sonda “Azərbaycanda İxracın və İnvestisiyaların Təşviq Fondu ilə Pakistanın Ticarətin İnkişafı Qurumu arasında əməkdaşlığa dair anlaşma memorandumu” imzalanıb. Memoranduma əsasən, tərəflər hər iki ölkənin iş adamları, işgüzar dairələri arasında əməkdaşlığın genişləndirilməsini, bazar araşdırmaları və investisiya layihələrinə dair məlumatların mübadiləsini, birgə müəssisələrin yaradılmasını, sərgilərdə, biznes xarakterli tədbirlərdə iştirakı təşviq edəcək.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 18 avqust

Astroloji proqnoz - 18 avqust

18 Avqust 2017 00:08
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13