Rusiyaya qarşı qanun Trampa təqdim olunub
Digər
29 İyul 2017 1:17

Rusiyaya qarşı qanun Trampa təqdim olunub


Rusiyaya qarşı sanksiyalar haqqında qanun ABŞ prezidenti Donald Trampa təqdim olunub. Prezident sənədi təsdiqləyə və ya veto qoya bilər. APA-nın xəbərinə görə, bu barədə “Frans Press” öz mənbələrinə istinadən məlumat yayıb.   

 

Məlumata görə, sənəd Trampa yerli vaxtla 13.53-də (Bakı vaxtı ilə 21.53-də) təqdim edilib.  

 

Qeyd edək ki, bundan əvvəl ABŞ Konqresinin Nümayəndələr Palatası Rusiya, İran və Şimali Koreya əleyhinə sanksiyalar üzrə qanun layihəsi qəbul edilib. Sənədi 419 konqresmen dəstəkləyib, 3 nəfər əleyhinə səs verib.  Hazırda Palatanın 435 səsvermə hüququna malik üzvü var.

 

Səsvermənin nəticələri onu göstərir ki, prezident sənədi imzalamaqdan imtina edəcəyi təqdirdə (Senatın təsdiqindən sonra), Palata ölkə başçısının vetosunu qüvvədən salmaq iqtidarında olacaq.

 

Qəbul edilə biləcək yeni sanksiyalar 2014-cü ildən bu vaxtadək Rusiya qarşı tətbiq edilən sanksiyalar paketindən daha miqyaslı və kompleksli ola bilər. 

 

Qeyd edək ki, qanun layihəsində yer alan bəndlərdən biri sanksiyaları yumşaltmazdan və ya ləğv etməzdən əvvəl prezidentə bu cür qərarları qabaqcadan konqresmenlərlə razılaşdırmağı məcbur edir. 

 

Bundan əvvəl bu tip tədbirlər prezidentin fərmanı və ya Maliyyə Nazirliyinin müvafiq qərarları ilə tətbiq edilirdi.  

 

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

süd nə üçün  daşır?

süd nə üçün daşır?

19 Avqust 2017 12:22
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13