Behişt hurilərindən də gözəl xanımlar
Ölkə
29 İyul 2017 23:44

Behişt hurilərindən də gözəl xanımlar


Əgər Quran ayələrinə nəzər salsaq, görərik ki, behişt qadınları iki dəstədirlər:

1. Huruleynlərdir ki, Quranın bir çox ayələrində onların sifətləri bəyan olunmuşdur. "Onlarda gözəl təbiətli və gözəl üzlü qadınlar vardır. Belə isə (ey insan və cin tayfaları), Rəbbinizin nemətlərinin hansı birini təkzib və inkar edirsiniz?! Çadırlar içərisində pərdə arxasında oturmuş (və yadların gözlərindən uzaq) hurilər. Belə isə (ey insan və cin tayfaları), Rəbbinizin nemətlərinin hansı birini təkzib və inkar edirsiniz?! Bunlardan qabaq onlara nə bir insan, nə də bir cin toxunub". ("Rəhman" 70-74).
"Və (orada onlar üçün) ağ dərili, iri gözlü gözəl qadınlar (vardır). Sədəfdə gizlənmiş inci kimi (ki, nə rəngi dəyişib, nə də kiminsə əli toxunub onlara)!". ("Vaqiə" 22-23).
"Hündür və bir-birinin üstünə salınmış döşənəcəklər və ya xasiyyət və gözəlliyi çox üstün olan zövcələr. Əlbəttə, Biz onları məxsus xilqətlə (doğulmaqdan ayrı bir yolla, möcüzəvi şəkildə və yaxud dünyadakı mömin qoca qadınların yaradılışını yeniləşdirməklə) yaratmışıq. ...". ("Vaqiə" 34-37).
2. Saleh qadınlardır ki, huruleynlərdən daha gözəldir. Milli.Az deyerler.org-a istinadən bildirir ki, Quran buyurur: "Siz və (dünyadakı) zövcələriniz tam sevinc, kamil zinət və son dərəcə hörmətlə Cənnətə daxil olun! Və onların ətrafında (yeməklə dolu) qızıl kasalar və (pak içki ilə dolu) kuzələr dolandırılacaqdır.
Orada ürəklərin istədiyi və gözlərin ləzzət aldığı (hər) şey hazırdır. Siz orada əbədisiniz. Bu sizin (dünyada) yerinə yetirdiklərinizin müqabilində (və ya yaxşı əməllərinizə görə kafirlərin də payına) varis olduğunuz Cənnətdir". ("Zuxruf" 70-72).
"(Həmin o) əbədi Cənnətlər ki, onların özləri və atalarından, zövcələrindən və övladlarından (əqidə baxımından) layiq olanlar (əməlləri naqis olsa da, onlara görə) ora daxil olarlar. Və mələklər hər bir qapıdan onların yanına daxil olarlar". ("Rəd" 23).
"Həqiqətən, Cənnət əhli o gün xoş bir əhval-ruhiyyədə, şadlıq və ləzzət içərisindədirlər. Onlar və zövcələri (ağacların və qəsrlərin) kölgələr(i) altında öz bəzənmiş taxtlarına söykənərlər". ("Yasin" 55-56).
Həzrət Peyğəmbər (s) saleh qadınların xüsusiyyəti barəsində buyurur: "Müsəlman kişi üçün İslam dinini qəbul etdikdən sonra, müsəlman bir qadına malik olmaqdan yaxşı fayda yoxdur. O zaman ki, onu görər - bütün varlığında kamil sevinc yaranar. Ərinin istəklərinə kamil itaət edər və onun qeybində öz iffət və paklığını, həmçinin ərinin malını qoruyar". (Tebyan)
Behişt qadınlarının hər ikisi də pakdırlar və hər cür çirkinlikdən uzaqdırlar. Onların qəlbində həsəd, kin, hər cür xəbis sifətlər mövcud deyildir.

Milli.Az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 17 avqust

Astroloji proqnoz - 17 avqust

17 Avqust 2017 00:08
Avqustun 21-ə HAZIR OLUN

Avqustun 21-ə HAZIR OLUN

14 Avqust 2017 10:13