Facebook yeni möhtəşəm video xidmət TƏKLİF EDİR - FOTO
Ölkə
10 Avqust 2017 14:44

Facebook yeni möhtəşəm video xidmət TƏKLİF EDİR - FOTO


Sosial media nəhəngi Facebook hər istifadəçiyə həsr olunmuş videoya doğru addım atıb.

Mili.Az bbc-yə istinadən xəbər verir ki, bu, onun Youtube və televiziya şəbəkələrinə meydan oxuması hesab olunur.

İstifadəçilər tezliklə yeni Watch (İzlə) adlı platformada sosial şəbəkə tərəfindən maliyyələşdirilən şoulara baxa biləcək.

İstifadəçilərin şoulara baxış seçimi onların dostlarının nələri izlədiyinə də bağlı olacaq.

Tamaşaçılar şoulara şərh yaza biləcək və şou üçün nəzərdə tutulmuş qruplarda dostları ilə fikirlərini bölüşə biləcək.

"Şouya baxış passiv olmalıdır," - şirkətin təsisçisi Mark Zuckerberg Facebook statusunda yazıb: "Bu təcrübə ilə bölüşmək və təxminən eyni şeylərə baxan insanları birləşdirmək şansı ola bilər".

Video bir müddətdir ki, Facebook-da mövcuddür, amma indiyədək, əsasən, xəbər qurumlarının qısa klipləri və həvəskar videolar nümayiş etdirilirdi.

İndiki halda isə istifadəçiləri videodan əvvəl, eləcə də baxış zamanı hədəflənmiş reklam gözləyəcək.

"Watch" yeniliyini irəli sürməklə Facebook qarışıq və mürəkkəb bir bazara girir. Burada onu ənənəvi televiziyalar, eləcə də YouTube və Netflix kimi video şəbəkələri ilə yarış gözləyir.

Watch bütün dünyada təqdim edilməmişdən öncə ABŞ istifadəçiləri üçün mövcud olacaq.

Milli.Az


loading...

OXŞAR XƏBƏRLƏR

DİGƏR XƏBƏRLƏR


TOP XƏBƏRLƏR