“Kopenhagen”in futbolçusu: “Qarabağ” əks-hücumlara üstünlük verəcək"
İdman
22 Avqust 2017 13:11

“Kopenhagen”in futbolçusu: “Qarabağ” əks-hücumlara üstünlük verəcək"


Bakı. 22 avqust. REPORT.AZ/ “Qarabağ”ın əks-hücumlara üstünlük verəcəyini və qol vurmaq üçün imkan axtaracağını düşünürəm. Bacarsalar, biz üç qol vurmalı olacağıq”. 
“Report”un məlumatına görə, bunu Danimarka “Kopenhagen”inin futbolçusu Nikolay Boylesen “Qarabağ”a qarşı keçirəcəkləri Çempionlar Liqasının “pley-off” mərhələsinin cavab oyununu şərh edərkən deyib.
Paytaxt təmsilçisinin rəsmi saytına açıqlama verən 25 yaşlı müdafiəçi bildirib ki, “Kopenhagen” ön xətdə öz oyununu tapmalıdır: “Ölkə çempionatının son turunda “Sonderyuske” ilə görüşün ilk yarısında bunu bacardıq. Bu, hələlik mövsümdə ən yaxşı oyunumuzdur. Digər ev matçları ilə müqayisədə daha çox topla davrandıq, təzyiq etdik və qollar vurduq. Bunu “Qarabağ”la oyunda da etməliyik. Bizi irəli aparacaq qolu vurmalıyıq”.
Boylesenin fikrincə, “Sonderyuske” ilə matçın sonlarında iki qol vuraraq, qələbə qazanmaları "Kopenhagen"ə çoxlu sayda azarkeş önündə “Qarabağ”a qarşı keçirəcəkləri cavab görüşü üçün də impuls verir: "Azarkeş amil ilk matçda rəqibə kömək oldu".
Qeyd edək ki, ötən şənbə Danimarka çempionatının VI turu çərçivəsində evdə “Sonderyuske”ni 3:2 hesabı ilə məğlub edən "Kopenhagen" növbəti görüşünü elə "Parken" stadionunda "Qarabağ"a qarşı keçirəcək. Avqustun 23-də baş tutacaq cavab oyunu Bakı vaxtı ilə saat 22:45-də başlanacaq. Bu komandalar arasındakı ilk matçda "Qarabağ" qalib gəlib - 1:0.

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 17 fevral

Astroloji proqnoz - 17 fevral

17 Fevral 2018 00:08
Cəbhədən son xəbər

Cəbhədən son xəbər

17 Fevral 2018 09:23
Astroloji proqnoz - 13 fevral

Astroloji proqnoz - 13 fevral

13 Fevral 2018 00:08
Astroloji proqnoz - 15 fevral

Astroloji proqnoz - 15 fevral

15 Fevral 2018 00:08
Astroloji proqnoz - 27 yanvar

Astroloji proqnoz - 27 yanvar

27 Yanvar 2018 00:08