Yaşı 65-dən yuxarı olanlar üçün TƏHLÜKƏ VAR
Sağlamlıq
13 Sentyabr 2017 12:32

Yaşı 65-dən yuxarı olanlar üçün TƏHLÜKƏ VAR


“Bəzi mövsümi xəstəliklər atmosfer təzyiqinin kəskin düşməsi ilə bağlıdır”.

Bunu Metbuat.az-a açıqlamasında Səhiyyə Nazirliyinin baş terapevti, professor Yaqub Qurbanov deyib: “Mövsüm dəyişikliyi meteohəssas insanlara daha çox təsir edir. Ürək-damar xəstəliklərindən əziyyət çəkən insanlarda müşahidə olunan meteohəssaslıq qədim zamanlardan insanları qorxuya salıb. Payız fəslində havanın kəskin dəyişməsi ilə əlaqədar insanların müqaviməti azalır, immuniteti zəif insanlarda, uşaqlarda soyuqdəymə, qrip, respirator infeksiya halları çoxalır. Risk qrupuna daxil olanların əksəriyyəti 65 yaşdan yuxarı insanlar və bir yaşa qədər uşaqlardır. Həmçinin, tənəffüs yollarının xəstəliklərindən və digər xroniki xəstəliklərdən əziyyət çəkənlər, habelə hamilə qadınlar da risk qrupuna daxildir”.

Payız-qış mövsümündə geyimlərinizə, qidalanmağınıza diqqət edin.

Baş terapevt bildirir ki, havalar soyuyanda insanlar geyimlərinə, xüsusilə qidalanmalarına diqqət etməlidir. C və A vitamini ilə zəngin tərəvəz və meyvələr xüsusilə, faydalıdır. İmmunitet sistemini gücləndirmək üçün bol vitamin qəbul etmək lazımdır. Həmçinin, fiziki məşqlər, idman hərəkətləri bədənin xəstəliklərə qarşı müqavimətini artırır.

Aysel Yaqubqızı / Metbuat.az

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 19 noyabr

Astroloji proqnoz - 19 noyabr

19 Noyabr 2017 00:03
Qaxda mağaza yandı

Qaxda mağaza yandı

19 Noyabr 2017 03:47