Azərbaycan və İran rəqqaslarının birgə konserti olacaq
Mədəniyyət
13 Sentyabr 2017 15:37

Azərbaycan və İran rəqqaslarının birgə konserti olacaq


Bakı. Trend:

Sentyabrın 15-də Azərbaycan Dövlət Musiqili Teatrında Fikrət Əmirov adına Azərbaycan Dövlət Mahnı və Rəqs Ansamblı ilə İrandan gələn rəqs kollektivinin birgə konserti keçiriləcək.

Trend Mədəniyyət və Turizm Nazirliyinə istinadən məlumat verir ki, “Azərbaycan-İran rəqs axşamı” adlanan konsert proqramında rəngarəng rəqs nümunələri təqdim ediləcək.

İran kollektivinin rəhbəri Mandana Talibi konsertlə bağlı deyib: “Azərbaycana sevgi dolu rəqslərimiz və musiqilərimizlə gəlmişik. Proqramda milli rəqslərimizi, folklor nümunələrimizi azərbaycanlı tamaşaçılara təqdim edəcəyik”.

Azərbaycan Dövlət Mahnı və Rəqs Ansamblının direktoru, Əməkdar mədəniyyət işçisi Elçin Abbasov tamaşaçılara unudulmaz rəqs axşamı yaşadacaqlarını bildirib:

“Bu konsert həm də iki ölkə arasında mədəniyyətin və sənətin təbliğinə xidmət edir. Çıxışımıza səbirsizliklə və məsuliyyətlə hazırlaşırıq. Azərbaycan milli rəqsləri və İran rəqslərinin yer aldığı gecə mədəniyyətlərin dostluğu mesajını tamaşaçılara ötürəcək”.

loading...

OXŞAR XƏBƏRLƏR

DİGƏR XƏBƏRLƏR


TOP XƏBƏRLƏR