Azərbaycan ilə Türkiyə Hərbi Hava Qüvvələrinin birgə təlimləri keçiriləcək
Digər
14 Sentyabr 2017 11:27

Azərbaycan ilə Türkiyə Hərbi Hava Qüvvələrinin birgə təlimləri keçiriləcək


Azərbaycan ilə Türkiyənin Hərbi Hava Qüvvələrinin iştirakı ilə “TurAz Qartalı - 2017” birgə taktiki-uçuş təlimləri keçiriləcək. Lent.az-ın Müdafiə Nazirliyinin saytına istinadən məlumatına görə, sentyabrın 18-dən başlayacaq təlimlərdə Azərbaycan və Türkiyə Hərbi Hava Qüvvələrinə məxsus MiQ-29, F-16, Su-25, C-130 Herkules, CASA CN-235 təyyarələri, Mi-35, Mi-17 və Sikorski S-70 helikopterlərindən ibarət 30-dək aviasiya vasitəsi iştirak edəcək.

 

Təlimlərdə hər iki ölkənin Hərbi Hava Qüvvələrinin müştərək fəaliyyətlərinin planlaşdırılması, əməliyyatların keçirilməsi üzrə qarşılıqlı fəaliyyət, döyüş uzlaşması imkanlarının öyrənilməsi, axtarış-xilasetmə tədbirlərinin icrası, havadan zərbələr endirməklə yer hədəflərinin məhv edilməsi və digər tapşırıqlar yerinə yetiriləcək.

 

Təlimlər sentyabrın 30-dək davam edəcək.

 

Qeyd edək ki, təlimlər Azərbaycan Respublikası ilə Türkiyə Respublikası arasında illik hərbi əməkdaşlıq planına əsasən keçirilir. 

loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 22 oktyabr

Astroloji proqnoz - 22 oktyabr

22 Oktyabr 2017 00:08
Marsda YENİ KƏŞF

Marsda YENİ KƏŞF

22 Oktyabr 2017 07:03
loading...