Elmar Məmmədyarov Azərbaycanda təhsil almış laoslu tələbələrlə görüşüb (FOTO)
Ölkə
16 Sentyabr 2017 12:42

Elmar Məmmədyarov Azərbaycanda təhsil almış laoslu tələbələrlə görüşüb (FOTO)


Bakı. Trend:

Xarici işlər naziri Elmar Məmmədyarov Laosa rəsmi səfəri çərçivəsində Azərbaycanda təhsil almış laoslu tələbələr qrupu ilə görüşüb.

Nazirlikdən Trend-ə verilən məlumata görə, E.Məmmədyarov təhsil sahəsinin Azərbaycan və Laos arasında ikitərəfli humanitar münasibətlərdə xüsusi yer tutduğunu və bu sahədə tarixə söykənən ənənəvi əməkdaşlığın davam etdirilməsi və irəlilədilməsinin vacib olduğunu qeyd edib. O həmçinin, Laosa rəsmi səfəri çərçivəsində keçirdiyi görüşlərdə təhsil sahəsində əlaqələrin inkişafı üçün qarşılıqlı xoş niyyətin ifadə edildiyini bildirib.

Görüşdə məzunlar adından çıxış edən natiqlər, Laosun hakim partiyasının Beynəlxlaq əlaqələr komitəsinin rəhbəri, Attepeu əyalətinin qubernatoru, xarici işlər nazirinin müavini və mədənçilik və enerji nazirinin müavini Azərbaycan və Laos arasında dostluq körpüsünün əsasını qoyduqlarını bildirərək, müxtəlif dövrlərdə göstərilmiş kömək və dəstəyə görə Azərbaycana təşəkkür ediblər. Həmçinin Azərbaycanda təhsil almış tələbələrin hazırda Laosun müxtəlif dövlət qurumlarında yüksək vəzifələrdə çalışdıqlarını əlavə ediblər.

Onlar həmçinin Azərbaycanda təhsil almış laoslulardan ibarət Assosiasiyanın yaradılması təşəbbüsü ilə çıxış ediblər. E.Məmmədyarov Assosiasiyanın yaradılmasının humanitar sahədə, xüsusilə təhsil sahəsində ikitərəfli əməkdaşlığın genişləndirilməsinə töhvə verəcəyini vurğulayıb və təşəbbüsü dəstəklədiyini bildirib.


Elmar Məmmədyarov Azərbaycanda təhsil almış laoslu tələbələrlə görüşüb (FOTO)
Elmar Məmmədyarov Azərbaycanda təhsil almış laoslu tələbələrlə görüşüb (FOTO)
Elmar Məmmədyarov Azərbaycanda təhsil almış laoslu tələbələrlə görüşüb (FOTO)
Elmar Məmmədyarov Azərbaycanda təhsil almış laoslu tələbələrlə görüşüb (FOTO)

loading...

OXŞAR XƏBƏRLƏR

DİGƏR XƏBƏRLƏR


TOP XƏBƏRLƏR