"Yayda istirahət üçün xaricə gedən azərbaycanlıların sayı dəfələrlə çox olub"
İqtisadiyyat
17 Sentyabr 2017 17:23

"Yayda istirahət üçün xaricə gedən azərbaycanlıların sayı dəfələrlə çox olub"


Ötən ilin yay ayları ilə müqayisədə bu il yay aylarında Azərbaycandan xaricə, xüsusilə Türkiyəyə gedən Azərbaycan turistlərinin sayı dəfələrlə çox olub.

Bunu Trend-ə Azərbaycan Turizm Assosiasiyasının sədri Nahid Bağırovdeyib.

Onun sözlərinə görə, bu il Azərbaycan turistlərinin Türkiyənin Bodrum şəhərinə xüsusi marağlı müşahidə edilib.

İndiyədək Bodruma belə marağın olmadığını deyən N.Bağırov həmçinin bildirib ki, bu il yay mövsümü ərzində Quba və Qəbələdəki hotellərdə yerlərin sayı turistlər üçün məhdud olub:

"Bu il Gürcüstana gedən turistlərin sayı çox olub. Sual oluna bilər ki, onlar Azərbaycanda niyə dincəlməyiblər? Səbəbini açıq deyə bilərəm - Azərbaycana gələn turistlərin sayı o qədər çox olub ki, hotellərdə yerli vətəndaşlara yerlər qalmayıb. Yerli vətəndaşlar yay mövsümü ərzində Quba və Qəbələdəki hotellərdə yerləşmədə çətinliklərlə üzləşiblər. Ona görə də Azərbaycan turistləri dincəlmək üçün ən yaxın istiqamət olan Gürcüstana və Türkiyəyə səfər ediblər ".

Gürcüstanın Azərbaycan üçün çox əlverişli istiqamət olduğunu deyən N.Bağırov əlavə edib ki, azərbaycanlı turistlərin Gürcüstana göstərdiyi maraq həmin ölkədə qiymətlərin uçuz olması ilə izah oluna bilməz: "Bu ölkədəki qiymətlər başqa dövlətlərlə müqayisədə əlverişlidir. Ancaq səfərlərin sayının çoxluğunun əsas səbəbi bu deyil. Əsas amil odur ki, Gürcüstana maşın, qatar və təyyarə ilə getmək mümkündür. Azərbaycanın bölgələrini gəzənlərin çoxu həftə sonlarında Gürcüstana də səfər etməyə üstünlük verirlər".

N.Bağırov əlavə edib ki, Azərbaycan vətəndaşları İrana isə daha çox tibbi turizm məqsədi ilə səfər edirlər.

Qeyd edək ki, əvvəlki ilin eyni dövrü ilə müqayisədə 2016-cı ilin yanvar-may aylarında Azərbaycandan Türkiyəyə səfər edənlərin sayı 10,37% azalmışdı. 2016-cı ilin yanvar-may ayları ərzində Türkiyəyə 188 761 nəfər Azərbaycan vətəndaşı səfər edib.

Türkiyə Mədəniyyət və Turizm Nazirliyinin verdiyi məlumata əsasən, bu ilin yanvar-may ayları ərzində Azərbaycandan Türkiyəyə səfər edən azərbaycanlıların sayı 243 421 nəfərə çatıb.

Gürcüstanın Milli Turizm Administrasiyasının məlumatına görə, cari ilin birinci yarısında Gürcüstana 2 milyon 996 min 170 nəfər əcnəbi vətəndaş səfər edib. Onların 737 min 549-u Azərbaycan vətəndaşlarıdır. Bu göstərici ilə Azərbaycan vətəndaşları Gürcüstana səfər edən xaricilər arasında birinci yerdədirlər.

loading...

OXŞAR XƏBƏRLƏR

DİGƏR XƏBƏRLƏR


TOP XƏBƏRLƏR