Türkiyə və Dubaya qadın aparan alverçi tutuldu - FOTO
Ölkə
23 Sentyabr 2017 13:34

Türkiyə və Dubaya qadın aparan alverçi tutuldu - FOTO


Azərbaycanlı qadınları Türkiyə və Dubaya apararaq, orada cinsi istismara məruz qoyan qadın həbs edilib.

Milli.Az a24.az xəbər verir ki, Daxili İşlər Nazirliyinin İnsan Alverinə qarşı Mübarizə Baş İdarəsinin əməkdaşlarının əməliyyat-axtarış tədbirləri nəticəsində Bakı şəhər sakini Vəfa Mürşüdova saxlanılıb.

Vəfa Mürşüdovanın barəsində Cinayət Məcəlləsinin 144-1.2.5-ci (qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən insan alveri törədildikdə) maddəsi ilə barəsində axtarış elan edilib.

Məlum olub ki, Vəfa Mürşüdova qadın alveri ilə məşğul olması üçün mütəşəkkil dəstə yaradıb. O, dəstə üzvlərinin vasitəsi ilə qadınları Türkiyə və Birləşmiş Ərəb Əmirliklərinin Dubay şəhərinə aparıb.

Orada işə düzəltmək adı ilə apardığı qadınların zorla kişilərlə görüşmələrini tələb edib. Tələbini yerinə yetirməyən qadınları isə döyüb, onlara işgəncə verib. İstintaq araşdırması zamanı məlum olub ki, Vəfa Mürşüdova əvvəllər məhkum olunub. O, bir neçə il əvvəldə insan alveri törətdiyi üçün məhkum olunub.

Həbsdən çıxan Vəfa yenidən eyni əməllərini davam etdirib.

Vəfa Mürşüdovanın barəsində istintaq davam edir.

Milli.Az

Digər maraqlı xəbərlər Milli.Az-ın Facebook səhifəsində


loading...

OXŞAR XƏBƏRLƏR

DİGƏR XƏBƏRLƏR

TOP XƏBƏRLƏR

Astroloji proqnoz - 17 dekabr

Astroloji proqnoz - 17 dekabr

17 Dekabr 2017 00:09
Astroloji proqnoz - 18 dekabr

Astroloji proqnoz - 18 dekabr

18 Dekabr 2017 00:08